مصر .. هل ستشهد تغيير؟

السلام عليكم ورحمة الله وبركاته
– من منا لا يحلم أن تكون دولته دولة متقدمة ؟ علميًا , إقتصاديًا , حضاريًا وفي شتى المجالات ؟ لا أعتقد ان أحد عاقلًا يرفض هذا .
أفتح أحيانًا خريطة العالم , أنظر إلى موقع مصر من الخريطة وتدور بصري فيها بعشوائية في بعض الأحيان وبصورة دقيقة في أحيان أخرى , بين مصر وبين الدول المتقدمة في العالم مجرد بحر ما ان تعبره ببصرك حتى تنتقل من التخلف العلمي والحضاري إلى التقدم العلمي والحضاري , هكذا في لمح البصر !!
– طالما حلمت أن تصبح مصر دولة متقدمة ورائدة في العالم , قد تجتاز أحلامك في بعض الأحيان القدرات الحقيقة التي تتمنى الوصول إليها ولكن حلمي هذا ليس بعيدًا , كل الأدلة التاريخية والحالية تثبت ذلك , مصر منذ قديم الأذل وهي دولة عريقة وعلى مر العصور فلماذا نحن الآن في ذيل العالم وليس في المقدمة مع أمتلاك مصر لكل المقومات التي تجعلها رائدة ؟
– لماذا يترك مصر أبنائها ويذهبوا للخارج ويتمنوا الا يعودوا إليها مرة أخرى ؟ لماذا تستفيد دول العالم المتقدم من العقول الإسلامية العربية ولا تستفيد بها بلدها ؟
– لماذا يعيش نسبة كبيرة من المواطنيين المصريين في فقر وتخلف وجهل فـ 30% من المصريين لا يعرفون القراءة والكتابة مقارنة بإسرائيل التي لا تتعدى نسبة الأمية فيها 3% ؟هذا عندما نتحدث عن أمية قراءة وكتابة أما الأمية التكنولوجية فحدث ولا حرج .
– لماذا تصنف مصر الدولة رقم 111 عالميًا في نسبة الفساد ؟ ولماذا خرجت جامعة القاهرة من تصنيف أحسن 500 جامعة في العالم , في مقابل 6 جامعات لهذة الدولة اللقيطة إسرائيل ؟ في حين تأتي في المرتبة رقم 1387 حسب تقرير جامعة إسبانية أخرى !!
– لماذا لا يجد عالِم من يصرف على أبحاثه التي يكدح فيها ليل نهار في حين يحصل مغني يعمل على بث الرزيلة والإباحية على الآلآف او ربما الملايين من الجنيهات في حفلة أو ألبوم جديد له ؟ من الأحق بهذا المال ؟
– لماذا قاربت نسبة أطفال الشوارع في مصر ما يقارب مليون طفل ؟ هؤلاء الذين إن تركناهم فسيتحولوا إلى مجرمي المستقبل .
– لماذا لا تُصنع مصر وتصبح دولة منتجة ويصبح لديها إكتفاء ذاتي في الكثير من الصناعات ؟ لماذا تستورد مصر غذائها من الخارج ولا تعمل على تنمية زراعية حقيقة لسد حاجة المواطن من الطعام ؟
– لماذا تعتمد مصر في إستيرادها للأسلحة على دول هي معادية لها في المقام الأول ولا تستطيع عمل إكتفاء ذاتي في تصنيع أسلحتها لمواجهة عدو بينها وبينه بعض كيلو مترات على الحدود ؟
– لماذا أصبح المواطن المصري همه الشاغل ووظيفته في الحياة أن يبحث عن العمل الذي يكفل له المال كي يستطيع أن يعيش؟  وبالكاد هو يستطيع أن يعيش , مستوى دخله متدني , لا يحيا حياة كريمة كالمواطنين في الدول الأخرى .
– لماذا أصبحت كرة القدم هي السبب الرئيسي التي تجعل المواطنين يحزنون ويفرحون ؟ الا توجد قضايا أخرى هي أهم من هذا ؟ بالطبع يوجد ولكن الجهل يفعل أكثر من هذا .
– بناء على هذا الكلام المختصر السابق , الا ينبغي لنا كشعب ان نطالب بالتغيير ؟ لماذا يا أخي لا نحيا حياة حضارية ونبني حضارة بدلًا من التفاخر بالماضي والنعرات المحلية العقيمة ؟

– من هنا وجب علينا ان نطالب بالتغيير الذي هو من حقنا , لا نريد مزيد من التخلف والإحتكار نريد تقدمًا يليق بنا كمسلمين , ومن هنا أدعو كل من يقرء هذة التدوينة أن  يقوم بملء إستمارة البيان , وانشرها بين أقاربك ومعارفك . ولنقل جميعًا معًا نعم للتغيير

13 thoughts on “مصر .. هل ستشهد تغيير؟

  1. aatkco قال:

    باذن الله هنتغير والبلد هتتصلح يا كريم , اهم حاجه نخلى عندنا يقين بالله , ويارب ارزقنا بالبرادعى ان كان فيه خير لمصر فعلاً

  2. Ahmed magdy قال:

    متفق معك فى ما قلت و شكرا على التنبية و بالفعل قمت بالتوقيع و رقمى هو 2000 و اتمنى ان يسارع الاعلام بالتنبية لهذه الخطوه الايجابيبة لان العدد قليل شكرا كيمو و جزاك الله كل خير
    ارجو تغيير الصورة الموجوده لانها لا تعبر عن علم مصر

  3. MagrabI قال:

    aatkco : بأذن الله يا أحمد , وده مش هيجي غير لما نغير من نفسنا بردوا الأول
    وربنا بأذن الله هيرزقنا د.البرادعي لو في خير لينا بأذن الله .

  4. MagrabI قال:

    Ahmed magdy :
    العفو يا أحمد وكل يا ريت يبلغ أصحابه والناس الي يعرفهم عشان العدد يزيد أكتر بأذن الله .
    في الحقيقة بالنسبة للعلم أنا كنت شاكك في أمره من الأول بس عجبني شكله بالتموج🙂

  5. السلام عليكم .
    حلو الكلام .ومع انى بصارع نفسى انى اكون متفائل يرجع تانى شئ ويشدنى لاعيش الحياه السوداويه او عدم الامبالاه من جديد يعنى كأنى مضروب على دماغى وده تقريبا حال الكثيرين فى مصر ..التغيير حلو وكلنا نفسنا فيه بس الجذور الى امتدت وتشعبت صعب انك تقتلعها بمجرد كلمه .على فكره انا ما بحبش البرادعى وما بكرهوش بس هو بالنسبالى قشه ممكن تنجدنا او ممكن تتقدم بينا خطوه يعتى هو فى رايي مش مضر .^ــ^ بس فيه امل ان مرشحك ينجح ان يتوافق عليه بـ 250 صوت من مجلس الشعب . ومجلس الشعب وما ادراك ما مجلس الشعب . مصالح وغيره الى بيدخلوه عشان مصالحهم بس طب نعمل ايه ما ننتخبهمش يعنى ولا ننتخبهم عشان هما برضه ممكن يكونوا قشتنا الى ممكن يعملوننا حاجه ولو واحده من مطالبنا . طب المشكله بقت فينا دلوقتى لاننا سبب كل المشاكل دى.يعنى نعمل ايه بس فى نفسنا .لازم كلنا نتجمع وده صعب لان كل واحد وليه دماغه .

  6. MagrabI قال:

    أنس : أزيك يا عزيزي ,
    احب ابدء كلامي يا أنس بحديث عن المصطفى بيقول فيه :
    ” إِذَا قَالَ الرَّجُلُ هَلَكَ النَّاسُ فَهُوَ أَهْلَكُهُمْ ”
    يعني الي بيقول مفيش فايدة وخربانة خربانة وملهاش حل هوا أهلك الناس , يعني كان السبب في هلاك الناس او أهلكهم يعني أهلك واحد فيهم . الروايتين صحيحتين .
    واديمًا يا أنس دائمًا على مر التاريخ مفيش حاجة بتفضل بايظة طول عمرها , لازم وقت يجي فيه وتتغير .
    عارف يا أنس الناس نفسها تشم نفسها والله , عشان كدا في أجماع من أغلب الفئات ان الدكتور البرادعي يمسك , وموافقين على المطالب بتاعته , وان كان في أخطاء كتير المصريين بيقعوا فيها دلوقتي .
    ثق بالله يا أنس واقرء عن دكتور البرادعي وأعرف مين هوا كويس , وادعي دائمًا في صلاتك أن ربنا يخلصنا ويكتبلنا حاكم صالح , وبأذن الله ربنا مش هيضيع أملنا , ومتنساش توقع على البيان على النت وتقول لصحابك المقربين والعائلة حاليًا أنهم يوقعوا , وبأذن الله تعالى لن نُخذل .
    أنسى الأنتخابات ومجلش الشعب والكلام ده , كل حاجة من دي بتتظبط من تحت لتحت .

  7. انا متابع البرادعى بس انا مع الفكر بتاعه مش معاه شخصيا وهو مجابش جديد كل الحكايه ان لازم حد يطلع فى الوقت ده وكان هو.. بيفكرنى والله بمساله شخصيه عندى .لما جدو الكبير مات حصل فراغ فى العيله وكان لازم حد يتولى الامور الى كان بيعملها مكانش فيه حد زيه يقوم بمهام العيله الكبيره ويتولى شؤنها على اكمل وجه . راح واحد مكانش له حس اصلا قال انا الكبير هنا وكل حاجه اتسرسبت من بين ايديه ـ انا قصدى ان ده الوقت الى يطلع فيه حد واى حد مش لازم يكون الفت يعنى انا عارف كويس ان التصويت ده مش هيغير كتير . حتى البرادعى لما اتكلم على قناه العربيه امبارح قال التصويت مش هيغير الدستور بس هو هيقول للحكومه اننا عايزين التغيير والشعب زهق وعايز التغيير وروح جديده وقال اكيد فى اى حكومه لما الشعب يقول كده هتوافق على مطالب الشعب . طب تفتكر ان الحكومه مش عارفه ان الشعب مخنوق منها وان تداول السلطه حق مشروع هى مش عارفه كده… مش ال250 الف على الفيس بوك الى مأيد البرادعى هى عارفه ان الشعب كله ال80 مليون مؤيده عشان فكره التغيير وتداول السلطه مش اكتر . الكلام ده مع الناس الى بتحس والى عارفه يعنى ايه حقوق انسان ومطالب شعب مش مع اى حد . فى رايي الموضوع ده مش هيجي بالتوقيعات . اه التوقيعات ممكن تكون مؤثره بس مش بالقدر المطلوب . احنا عاييزين انتفاضه جامده تفوق الناس وقوه ضغط حقيقه صعب الواحد يقف قدامها هو ده الحل الوحيد.

  8. MagrabI قال:

    كلامك صحيح يا أنس , شعبية البرادعي زيي ما هوا قال و انت بتقول مش نابعة لذاته وأنما لفكره الإصلاحي , والمثال الي انت ضربته ده صحيح 100% .
    بالنسبة للتوقيعات اما نبقى كام مليون بأذن الله تعالى وتتقدم المطالب للحكومة وتترفض في الحالة دي بأذن الله هتشوف إنتفاضة قوية .
    عشان تغيير لازم تتصادم .

  9. sonnet قال:

    بإذن الله ستشهد تغييرا
    و هذا من باب تفاءلوا بالشيء تجدوه
    لكن علينا بالأسباب

  10. MagrabI قال:

    sonnet :
    بأذن الله د.إيمان هنأخذ بالأسباب وهتتغير .

  11. Abu Nasr قال:

    اتفق معك تماما بانه يجب على هذا الوطن التغير والخروج من هذا التخلف الاجتماعى والحضاري والاقتصادي والفساد الذى وصل الى درجة لا يحتملها اى انسان
    ولكن متى ؟ كيف ؟
    اظن التغيير قادم وهو بالفعل قادم ولكن فى سؤال لك يا صديقي
    هل يتعلق هذا التغيير بشخص بعينه ؟ ام هو وقت سيمر على هذا الوطن سيؤدى الى انفجار هذا الشعب وسيتغير من نفسه تلقائيا؟؟؟
    اشكرك على التدوينة يا صديقي

  12. MagrabI قال:

    طبعًا يا نصر التغيير غير مرتبط بشخص ، التغيير جاي من الشعب من شخص واحد إلى ممكن يحدث التغيير دي إستحالة
    من ناحية هيتغير تلقائيًا مفيش حاجة بتتغير لوحدها تلقائيًا لازم يبقى في عوامل تحفيز ومنهج تمشي عليه ولازم تبقى في إدارة حكيمة تدير العملية دي .

  13. والله العظيم انو مصر يوجد بها خيرات لاتعد ولا تحصى ولاكن للاسف الشديد لا تستخدم صح لان الناس الكبراء كالرئيس والوزير ورجال الاعمال ياخو كل خيراتها والرئيس لايتكلم اطلاقا لانه ما عندو احسساس كل يوم بياكل لحم والناس تاكلو فى السنه مره حسبى الله ونعم الوكيل فىك يامبارك يا عديم الاحساس وتحيا جمهوريت مصر العربيه بلادى

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: