خــ(1)ــــواطر

السلام عليكم ورحمة الله وبركاته

منذ فترة بعيدة لم أقم بكتابة تدوينة أشعر بأنها مفيدة سواء هنـا او هنــاك , يوجد في المسودة العديد من المواضيع الغير مكتملة و أجد الحاجة الى أكمالها لأني اريد ان اقوم بكتابة غيرها !!
منذ فترة وانا اشعر بأني اريد ان اعيد حساباتي , اهدافي التي اسعى اليها توقفت عنها لفترة تقترب من شهر , اقوم بتأجيل العديد من الأشياء التي من المفترض ان تنتهي قبل نهاية هذا الشهر ولكن يوجد العديد منها ولم يكتمل حتي الآن , وأحاول ان اقوم بأنجاز ما يمكن ان أنجازة قبل أنقضاء الشهر , اللهم ساعدني  .
استيقظ من النوم أحياناً وتراودني افكار عجيبة ,  اتذكر اشياء غريبة كانت تحدث لي وانا في المدرسة اتذكر اشخاص مر علي اكتر من 10 سنوات ولم أراهم , أتذكر مواقف بعينها تكون بعيدة تماماً عن وضع الأستيقاظ من النوم , واعتقد ان السبب ربما يعود لتفكيري في أشياء كثيرة ومختلفة قبل النوم , ايضاً دون النوم اتذكر مواقف غريبة حدثت معي , ومنها موقف بعينه جعلني اؤمن بالمثل القائـل ” يخلق من  الشبه 40 ” بل لعله اكثر من ذلك .
تنقضي الأجازة سريعاً وتمر ايامها بسرعة رهيبة وأحاول ان اقتنصها كلها ولكن لم افلح حتي الآن في تحقيق هذا ,  نقترب من رمضان – كل عام وانتم بخير – واليوم في رمضان مختلف عن الأيام العادية , وساحاول ان اقوم بما أفعلة في اليوم العادي في رمضان لعلي انجز المهام الصيفية قبل انتهاء الصيف .
منذ ان قمت بشراء هذا الجهاز الجديد وانا اشعر معه بالغربة , ربما لأن البيانات علي جهازي المحمول – المرحوم😀 – ولم أحصل عليها حتي الآن , سأحاول تطبيق ما في هذا الفيديو وإن شاء الله أحصل عليها .
فكرة الشات لم اكن  احبها الا مع الأصدقاء والأشخاص المعرفة و لكني قمت بتجربة فكرة الحديث مع اشخاص آخرين ووجدتها ممتعة – ولكنها تقتل الوقت بصورة بشعة وتهدره – تعرفت من  خلالها علي اشخاص من شعوب مختلفة وتفكير مختلف , وجدت المثقف وجدت المؤدب وجدت محب الحياة وجدت عرب مغتربين , تعرفت علي شخصية المانية مسلمة سعدت كثيراً بالتحدث اليها وان كانت الفترة قليلة , وجدت الملاحدة وما اكثرهم  وجدت المتعصبين والمتسامحين , وجدت من كل الأصناف وتعرفت علي معلومات متنوعة .
نجحت هذا العام ولكنه نجاح بطعم  الفشل , بالطبع أحمد الله علي كل شئ ولكن دراستي الجغرافية هذة تمثل فشل دراسي حقيقي في حياتي , اللهم اكملها علي خير .
قاربت من الأنتهاء من الأستماع لسلسلة محاضرات بعنوان ” فلسطين حتي لا تكون أندلساً أخري ” لدكتور راغب السرجاني , ساقوم بوضع مراجعة بسيطه لها بعد الأنتهاء منها بصورة نهائية , فهي رائعة .
في النهاية انا لا أحب هذا النوع من التدوينات التي ربما تقوم بتضيع وقت القارئ بدلاً من أستفادته , ولكني فقط اردت ان اتحدث .

9 thoughts on “خــ(1)ــــواطر

  1. مفتاح الحياه قال:

    واحنا سمعناك يا سيدى..ويارب تنجز مهامك المتراكمه بسرعه ..بس انا عندى سؤال ازاى عندك مهام متراكمه ازاى المهام بتيجى اصلا انت ممكن تستغرب من كلامى بس بجد ازاى بيكون عندك مهام ولو عايز يكون عندك حاجه تعملها بتعمل ايه ..
    انا معنديش غير مهمه واحده وحاسس ان مفيش وقت عشان اخلصها وكمان حاسس ان فيه حاجات كتير فايتانى ومش عارف ايه هى…
    اما الشات فانا ما بحبوش ..ومره افتكرت صحابى القدام من ابتدائى واتصلت بيهم وماكانوش مصدقين اننا لسه عايش وحددنا معاد واتقابلنا وكان يوم حلو وغريب ..واحنا لسه على اتصال الحمد لله ..
    والله انا عايز اعمل مدونه بس حاسس انها مسأله صعبه وبفضل اتابع مدونات واتعرف على اصحابها اكيد هاستفيد اكتر …
    سلام

  2. MagrabI قال:

    أنس عزيزي😀 ,
    بس يا أنس هيا المهام بتيجي من كذا حاجة انت بتفكر تعملها وتنجزها , البداية في انك بتجيب ورقة وقلم وتقعد كدا تحصر كل الحاجات المحيطة بيك كل الجوانب والحاجات الي في حياتك كلها عائلتك , هواياتك , مستقبلك , عايز تبقي ايه , طب ايه الحاجات الأساسية الي لازم تعملها في حياتك بصورة يومية وتنظم حياتك ووقتك في اليوم وكل يوم اعمل لسته للحاجات الي هتتعمل النهارده ووتسجل الحاجات دي في ورقة كبيرة لما تخلصها و في آخر الشهر جيب ورقة تانية والحاجات الي عملتها دي سجلها فيها .
    وفي الصيف مثلاً يبقي في ورقة للأهداف الصيفيه وايه الحاجات الي لازم تتعمل والمهارات الي انت هتكتسبها في فترة الـ 3 او 4 شهور صيف .
    تعمل تقييم لنفسك دائماً ايه السلبيات الي انا بعملها واعدلها والتقييم ده بصورة أساسية .
    انا هكلمك مثلا ايه الحاجات الي بعملها بصورة يومية وتعتبر أساسية بس طبعاً بتقع مني احياناً :
    1- بقرء قراءن حوالي نص ساعة او يزيد .
    2- على قد ما أقدر بحاول اقرء في كتاب من الكتب الموجوده ولسه مخلصتش .
    3- ابص علي المدونة وأشوف المقالات الي انا عايز اتكلم عنها , واخصص ايام معينه عشان اكتب المقالات دي .
    4- انا بطمح ان انا ابقي مبرمج فعشان كدا بخصص جزء كبير من وقتي يومياً اقرء في البرمجة وانظمة التشغيل وفي اي حاجة متعلقة بيهم .
    دي تعتبر الحاجات الي انا بعملها بصورة يومية وان كانت في اوقات زادت في الفترة الأخيرة بقيت مهملها شوية , بس بتبقي في دماغي دائماً .
    الحاجات بقي الي انا مأجلها دي بتتمثل في ان انا مبقتش افكر أكتب في مقالات جديدة مثلاُ مع ان في حاجات كتير في المسودة وكاتب فيها جزء من بطال , مأجل الزيارة للأقارب وصلة الرحم , ساعات بكسل أقرء , وكذا حاجة ببقي حاططها في جدول المهام ومعملهاش مع أنها ضرورية وكل وقت بيعدي مبيرجعش .
    خلاصة الكلام عشان الرغي الكتير ده , لازم تنظم وقتك كويس جداً زيي ما قولتلك كدا وحاول متضيعش اي وقت خالص مع المحافظة دائماً علي القراءة , واسمع محاضرة دكتور راغب بعنوان ” ا لقراءة منهج حياة ” هنا في المدونة وكمان اسمع محاضرة أوقات العلماء من سلسلة ” كيف تصبح عالماً ” لدكتور راغب السرجاني وهتلاقيها هنا بردوا .
    واقرء المقالة دي :
    http://tinyurl.com/kry3ao
    ربنا يوفقك يا أنس , وأعرف يا صديقي ان السبيل لتحقيق اي حاجة هيا تنظيم الوقت🙂

  3. اقصوصه قال:

    اممم

    كلنا نمر بين حين واخر

    بهالانتكاسات!

    ما عليه

    شده وتزول🙂

  4. MagrabI قال:

    اقصوصه :
    شاكر لكي علي كلماتك , وكل الأشخاص فعلاً يمرون بنفس الأوقت🙂

  5. sanaa قال:

    السلام عليكم ورحمة الله وبركاته
    ازيك يا كريم ان شاء الله تكون بخير …بالنسبة للتدوينة دي انا بقى بحب اوي ان الواحد يكتب حاجة عن نفسه او عن الحالة اللي بيمر بيها على الاقل بيطلع اللي جواه بدل ما يتخنق من الموضوع اللي مدايقه🙂

    وبالنسبه للحالة اللي انت بتمر بيها فانا ممكن اقترح عليك انك تغير جو مثلا اخرج مع صحابك في اي مكان بحيث تبقى شحنت طاقتك فتقدر تكمل مهامك وتنجزها في وقتها ان شاء الله ………وطول ما ربنا راضي يبقى اي مشكلة او ازمة تهون وهتعدي ان شاء الله (اسفه لو كنت طولت عليك بس حبيت اقول رأيي:))

    سلام عليكم ورحمة الله وبركاته

  6. sanaa قال:

    اه معلش نسيت حاجة ممكن كمان تلعب رياضة على فكرة هتفرق معاك جدا عن تجربة يعني
    سلام

  7. MagrabI قال:

    sanaa :
    عليكم السلام ورحمة الله وبركاته ,
    الحمد لله تمام يا ثناء ربنا يبارك فيكي , ناس كتير بردوا من المتابعيين للمدونة بيحبوا النوع ده بس انا مبحبوش🙂 بحس انوا مضيعة للوقت .
    انا فعلاً مبخرجش غير قليل , بحاول علي قد ما اقدر استفيد من الوقت في البيت وجت علي حساب الترويح عن النفس , ومفيش تطويل ولا حاجة خدي راحتك .
    وبالنسبة للرياضة , انا فعلاً مبلعبش رياضة لمدة طالت شوية , بس رجعت تاني الحمد لله , وشكراً ليكي علي النصائح وربنا المستعان
    نورتي بمرورك😀
    عليكم السلام ورحمة الله وبركاته .

  8. Ahmed magdy قال:

    اتمنى لك كل الخير فى دراستك القادمة
    وان شاء الله تحقق كل احلامك
    وربنا يبعد عنك الفشل
    سلام

  9. MagrabI قال:

    شكراً يا أحمد علي الكلمات دي ,
    وربنا يوفقنا جميعاً اللهم امين .

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: