أوباما في جامعة القاهرة
السلام عليكم ورحمة الله وبركاته
– البارحة ذهبت للجامعة لأداء امتحان احد مواد نهاية الفصل الدراسي الثاني , شعرت عند دخولي من الباب الرئيسي بنشاط علي غير المعتاد وسريعاً رايت عمال النظافة المنهمكين بالعمل من زراعة للحداق والورود من ناحية واخرين يقومون بتنظيف مبني القبة بالماء والسلالام الموجودة بالصورة بالأعلي يقف عليها بعض المتخصصين بزي معين يقومون ببعض الأعمال ايضاً ولكني لم أعرف ماذا يفعلون , فقلت لنفسي من المؤكد أن شخص مهم سيأتي لزيارة المكان ولكنه مهم اكثر من غيرة بسبب هذا النشاط الزائد 
ذهبت لحديقتي المعتادة التي ارجع بها المادة التي سأقوم بإمتحانتها قبلها بحوالي ساعتين للقيام ببعض المراجعة – واحياناً المذاكرة – للأجزاء التي من المتوقع ان تأتي في الإمتحان وفوجئت أيضاً بنشاط كبير في الحديقة والقيام بمساواة حشائش الحديقة بماكينة – لا أعلم اسمها – تصدر صوتاً مزعجاً مما اضطرني للذهاب إلى الجزء الآخر من الحديقة الي أن ينتهوا من عملهم .
بعد وصولي اللجنة والجلوس و مضي ما يقرب من 20 دقيقة , مر شخص ليخبرنا بأن إمتحانات يوم 4\6 ستؤجـل إلي 22\6 فسألة أحد الزملاء عن السبب فقال له بأن أوباما سيأتي لزيارة الجامعة ولا يريدون أي مخلوق في الجامعة في هذا اليوم – الحمد لله أني سأنتهي قبلها بيوم – .
– .صراحة لا أعلم هل سيختار الجامعة ليلقي خطابة للعالم الإسلامي منها ام إنها مجرد زيارة عندما يأتي لمصر ؟
Ahmed Mahmoud قال,
مايو 22, 2009 في 3:44 م
طيب مينفعش اوباما يأجل الزيارة شوية علشان الناس اللي بتمحن دي
ينفع كده
و بعدين الامتحان يتاجل من يوم 4 ليوم 22 اية الافترا ده
دا انتو تكونوا نسيتو المنهج و الدراسة و كل حاجة بعداكتر من اسبوعين اجازة
MagrabI قال,
مايو 22, 2009 في 4:06 م
مش عارف والله يا أحمد ليه الحدفه دي ,
احنا طبعاً إلي يأجلولنا هوا ميأجلش حاجه , والحمد لله انا هخلص قبلها بيوم
Ahmad قال,
مايو 22, 2009 في 6:17 م
انا نفسي اوباما يلف مصر كلها علشان تنضف
Butterfly قال,
مايو 22, 2009 في 6:48 م
يا سلام
وده ايه اللى حدفوا علينا ده ؟!
مش خايف ولا ايه D:
اقصوصه قال,
مايو 23, 2009 في 9:52 ص
والله اول مره اسمع عن هالزياره !!
MagrabI قال,
مايو 23, 2009 في 2:34 م
Ahmad : انا نفسي بردوا يا أحمد زيك كدا مصر كلها تنضف باي طريقة بقي مش مهم .
Butterfly : علي الأرجح انوا هيلقي كلمته للعالم الإسلامي من الجامعة ,ومظنش في خوف لان الحراسة هتبقي شديدة جدا من المؤكد .
أقصوصة : هوا موضوع الزيارة فعلاً محدش يعرف عنوا الا قليل , بس تابعي الأخبار وانتي هتعرفي ^_^
مفتاح الحياه قال,
مايو 23, 2009 في 8:55 م
اهلا عامل ايه وايه اخبار الامتحانات معاك
طبعا التنظيف والدهانات الجديده وقصقصه الجنينه و الاعشاب ..فجأه شئ عجيب وللاسف مطلعش عشان خاطرنا ولا حتى عشان خاطر هذه الجامعه العريقه التى تستحق منا ذلك من غير سبب اخر ..لكن كل ده عشان خاطر تبان جامعتنا نظيفه وجميله وحلوه ومتطوره زى مدارسنا ماهى كانت ولسه برضه نظيفه وجميله وحلوه ومتطوره .. بس احنا بنضحك على مين ؟
وفى الاخر اقول اذا عُرف السبب بُطل العجب .
MagrabI قال,
مايو 24, 2009 في 11:23 ص
مفتاح الحياه : الحمد لله يا أنس بخير , وبدعي ربنا تعدي علي سلام كلها , دعواتك معايا
هوا عادة في الجامعة لما يجي حد يزور بتلاقي الورد علي الباب والأعلام اترفعت وشويه شغل كدا يجملوا بيه المدخل , لكن المرة دي بقي الشغل عالي وسفلته وتبييض
Ahmed magdy قال,
مايو 25, 2009 في 4:37 ص
ازيك يا كريم وبجد انا حزين على الازعاج الى حققة الراجل ده مش مخايك تعرف تذاكر
بس استحملة لانه بجد الجامعة هتندف بسببة
ربنا يوفقك فى الامتحانات
وللعلم فى 15 طالب من الكلية عندنا هيحضرو اتمنى تكون منهم
انشريا عم
ومتنساش تلم الغسيل
MagrabI قال,
مايو 25, 2009 في 9:10 ص
الحمد لله يا أحمد ,
معلش بقي نعمل ايه , خليها عليا المرة دي
هبقي اشوف موضوع الطلبة دول ووقتي هيسمحلي ولا لا
طالب في سنة رابعة تجارة قال,
يونيو 4, 2009 في 2:39 ص
الامتحان اتاجل ليوم 17/6 وليس 22/6
وشكرا على المقالة
MagrabI قال,
يونيو 4, 2009 في 7:47 ص
خبر جيد , وفقك الله